منتديات احلى دليل
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
لقد نسيت كلمة السر
منتديات تقنيات
1 / 4
تقنيات حصرية
2 / 4
اطلب استايلك مجانا
3 / 4
استايلات تومبلايت جديدة
4 / 4
دروس اشهار الموقع

المواضيع الأخيرة
»   
الجمعة 14 سبتمبر 2018, 13:05
»   
الجمعة 14 سبتمبر 2018, 13:01
»   
الإثنين 10 سبتمبر 2018, 11:24
»   
الأحد 09 سبتمبر 2018, 17:59
»   
الجمعة 31 أغسطس 2018, 18:50
»   
الجمعة 24 أغسطس 2018, 00:46
»   
الجمعة 24 أغسطس 2018, 00:42

•• يوميات فتـاة تائبـة ••5



استعرض الموضوع السابق استعرض الموضوع التالي اذهب الى الأسفل

•• يوميات فتـاة تائبـة ••5

مُساهمة من طرف مسك الجنان في الثلاثاء 26 مايو 2015, 00:41

الحلقة الخامسة ..
بعد سماع سارة الشريط دعت ربنا إنه يعينها علي الوصول إليه وإنه يعرفها الطريق
وإنه يثبتها علي اللي يحبه
وإنتهت الأجازة وعادت سارة للمعلمات
وهناك كانت بداية إستجابة الله لدعائها فقد تعرفت علي صحبة صالحة وهم
أمال وهاجر
ذهبت سارة في مسابقة خارج المدرسة وكانت المدرسة قد إختارت الفائقات
من كل فصل
وهناك تعرفت سارة علي أمال وهاجر وهن من الفصل المجاور لها
كانت سمات الأدب والوقار تبدو علي أمال وهاجر وتقدمن من سارة لما توسمن
فيها من الطيبة
أمال : السلام عليكم ورحمة الله وبركاته
سارة : وعليكم السلام ورحمة الله وبركاته
أمال : ممكن نتعرف عليكِ ؟؟
انا أمال ودي صحبتي هاجر
سارة : اه طبعا أختكم سارة
هاجر : إنتي شكلك طيوب أوي سارة
سارة :
إنتوا أحسن والله ربنا يكرمكوا علي حسن ظنكوا
أمال: قوليلي يا سارة : إنتي من بيت ملتزم أصل اللهم بارك لبسك واسع
وشكلك بنت محترمة
سارة : تحدث نفسها _بيت ملتزم هو إيه يعني ملتزم _ وشعرت بالإحراج ترد
تقول إيه
فردت إحنا بيت عادي يعني ليه إخوات بسطين أوي انا بصلي وبهتم بالصلاة
الحمد لله
وبنتفرج علي التلفزيون
واخواتي زي بس مش بيصلوا إلا أخويا الكبير
بهتت أمال وهاجر _وقالوا في نفسهم _مش بيصلوا ربنا يصلح حالهم
هاجر : بقولك يا سارة إيه رأيك في الخمار
إحنا بقينا كبار ومش صغيرين ده إحنا في سنة 4 معلمات وبقينا أنسات يعني
وعارفة شكلك هيبقي جميل علي فكرة
سارة : لا انا حاسة إنه واسع اوي ومش هعرف أتصرف بيه
كده كويس
وأثناء ذلك تنادي المعلمة علي الطالبات للعودة للمدرسة
وتسلم هاجر وأمال علي سارة ويقولولها بإذن الله نتقابل تاني
ردت سارة : بإذن الله
بدأت رسائل الله تتوالي علي سارة ولكن هي لا تفهمها وإيه المفروض علي
الواحد يكون فقد كان أمال وهاجر يدعون سارة ولكن بدون دليل لذلك لم
يأثروا فيها
الي أن إنتهت هذه السنة وفي الأجازة نزل أخيها الأكبر علي
ولأن الله يريد بها خيرا
قال لها أخيها
علي : سارة انا هاخدك معايا الأجازة دي تقعدي معايا هناك وتتفسحي شوية
سارة : بجد يا علي ربنا يكرمك يارب إنتي فرحتني أوي
علي : ربنا يبارك فيكِ يا سارة طيب جهزي حاجتك علشان في خلال 3 ايام
هنسافر إن شاء الله
سارة : حاضر يا علي من دلوقتي بإذن الله
وسافرت سارة للعاصمة وهناك عاشت مع أخيها في شقته
ووجدت عنده مكتبة كبيرة جدا بها كتب كثيرة
واستغربت من كل هذه الكتب
علي : بصي يا سارة تعالي عايزك شايفة المكتبة دي دي مليانة كتب كتير
جميلة جدا دينية
يعني إيه يا سارة
دينا إحنا في حاجات كتير المفروض نعرفها عنه والقرآن الكريم اللي نزل علي
سيدنا محمد صلي الله عليه وسلم المفروض نعرف معني الكلام اللي موجود فيه
ونعرف قصص الناس اللي كانت قبلنا
وقصص الأنبياء
وأكيد يا سارة ربنا خلقنا لهدف في الحياة دي
مش إننا نتولد وناكل ونشرب ونتجوز ونموت ونعيش زي ما احنا عايزين
ونضيع نفسنا
لا يا سارة كل واحد لازم يعمل لهدف في حياته والهدف ده هو اللي هنعيش
بيه أحلـي حيــاة
علشان بعد الموت هنقابل ربنا بعد كده وهنتحاسب علي حياتنا عشناها إزاي
سارة : ياااااااااااه يا علي إيه ده كله اللي بتتكلم عنه ده الواحد كان فاكر
الأمور غير كده
علي : لا يا سارة
وعارفة كل ما تعرفي اللي ربنا أمرنا بيه وتتعرفي علي دينك أكتر هتعيشي حياة
جميلة أكتر وأكتر هتبقي حاسة بقيمتك في الحياة وإن حياتك بقي ليها معني
يعني مش الأيام والظروف هيه اللي تمشيني لأ تبقي إنتي متحكمة في حياتك
فهمتيني يا سارة
سارة : اه فهمتك يا علي كلام جميل جدا
طيب الواحد يبدأ إزاي إنت قولت حاجات كتير
علي : بصي يا سارة انا أكتر حاجة عجبتني ولمتلي حاجات كتير
هو تفسير القرآن
يعني انا عندي هنا تفسير بن كثير جميل جدا هتقرأي القرآن وهتلاقي معاني
الآيات مش بس وكده ده شارح قصص الأمم السابقة وقصص الأنبياء والآية
دي نزلت ليه يعني كأنك عايشة معاهم
بجد رائع يا سارة
فأنا هسيبهولك تقرأي فيه وده أول حاجة تبدأي بيها إن شاء الله
سارة : ربنا يكرمك يا علي خلاص ماشي
هبدأ بيه إن شاء الله
وبدأت سارة تقرأ القرآن وتقرأ تفسيره وعرفت قصص كتير من الأمم السابقة
وقصص الأنبياء وبدأ الإيمان يتغلل لقلب سارة وبدأت تحافظ الصلاة في وقتها
وشعرت بمشاعر جميلة
وكان علي يأخذ سارة 3 مرات في الإسبوع للنزهة
فكانت سارة وتردد أثناء الذهاب والعودة ذكر الحمد لله
طلبت سارة من أخوها علي أن يختار لها كتب أخري تقرأ فيها وخاصة في
معاني الإيمان والثبات علي الطاعة
فأخبرها أخوها علي
علي : اممممممم يا سارة بصي انا فاهم نفسك تثبتي علي طاعة ربنا ربنا
يكرمك ويزيدك يارب
طيب انا هقولك حاجة مش هلاقي أحسن من سيرة الرسول عليه الصلاة
والسلام دي هتعلمك حاجات كتير وهتعرفي إزاي الرسول عليه الصلاة
والسلام عاش وأد إيه واجه مصاعب وصبر إزاي وتعب علشان يبلغ الدعوة
اللي ربنا أمره بيها
سارة : ده إنت شوقتني اوي بجد
علي : ايوة ياسارة ده غير لما تقري طيب بصي عندي كتاب الرحيق المختوم
ده كتاب روعة هتعيشي مع السيرة بجد
وأثناء قراءة كتاب الرحيق المختوم كانت سارة تبكي بشدة وتقول يااااااااااه
كل ده إتحملته علشانا يا حبيبي يا رسول الله وإحنا بعدك كتير اللي غير وبعد
ومش متبعين سنتك
كل ده وإحنا مش حاسين
وبعد قراءة كتاب الرحيق المختوم
قررت سارة قرار خطير يا تري إيه ؟؟
في الحلقة القادمة بإذن الله هنعرف سارة قررت إيه

مسك الجنان
عضو جديد

تاريخ التسجيل : 24/05/2015

الرجوع الى أعلى الصفحة اذهب الى الأسفل

رد: •• يوميات فتـاة تائبـة ••5

مُساهمة من طرف علا المصرى في الإثنين 20 يوليو 2015, 11:40

مَشِكَـــًَــــًٍــًَوًَرً وَالله يًَعِطٍِيًَكً ألَفًً عَاَفَيِة’ يًَسًَـٍـٍـٍـٍـِـِـِلَمًوِ عَلَىِ ألَمَوَضَوَعَ ألِرِاأئٍِعِِ
avatar
علا المصرى
مستشارة عامة
مستشارة عامة

تاريخ التسجيل : 25/07/2014

الرجوع الى أعلى الصفحة اذهب الى الأسفل

رد: •• يوميات فتـاة تائبـة ••5

مُساهمة من طرف Ahmad12 في السبت 26 سبتمبر 2015, 15:38

ربي يسلمك ويسلم قلبك
على روعة طرحك
رآآق لي جدآ موضوع قصتك

جزآك ربي كل خير

Ahmad12
كبار الشخصيات
كبار الشخصيات

تاريخ التسجيل : 10/10/2014

الرجوع الى أعلى الصفحة اذهب الى الأسفل

رد: •• يوميات فتـاة تائبـة ••5

مُساهمة من طرف عابرة سبيل في الخميس 21 سبتمبر 2017, 16:08

كل الشكر والامتنان على روعهـ طرحكـم..
سلمتم على جهودكم ...
بارك الله فيكم
والله يعطيكم الف عافيه
نترقب المزيد من جديدكم الرائع 
دمتم ودام
لنا روعه مواضيعكم
avatar
عابرة سبيل
مديرة منتدى
مديرة منتدى

تاريخ التسجيل : 01/12/2016
الموقع : مصر

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

إنشاء حساب أو تسجيل الدخول لتستطيع الرد

تحتاج إلى أن يكون عضوا لتستطيع الرد.

انشئ حساب

يمكنك الانضمام لمنتديات تقنيات فعملية التسجيل سهله !


انشاء حساب جديد

تسجيل الدخول

اذا كنت مسجل معنا فيمكنك الدخول بالضغط هنا


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى